କେନ୍ଦ୍ର ଖାଦ୍ୟ ପ୍ରକ୍ରିୟାକରଣ ଉଦ୍ୟୋଗ ମନ୍ତ୍ରୀ ଶ୍ରୀମତୀ ହରସିମରତ କୌର ବାଦଲଙ୍କ ନେତୃତ୍ୱରେ ଏକ ପ୍ରତିନିଧି ଦଳ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ଭେଟିଛନ୍ତି । ଏହି ପ୍ରତିନିଧି ଦଳରେ ମଧ୍ୟ ଶିରୋମଣି ଗୁରୁଦ୍ୱାର ପ୍ରବନ୍ଧକ କମିଟିର ସଦସ୍ୟ ସାମିଲ ଥିଲେ ।
କେନ୍ଦ୍ର ସରକାରଙ୍କ ‘ସେବାଭୋଗ ଯୋଜନା’ ପାଇଁ ଏହି ପ୍ରତିନିଧି ଦଳ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ପ୍ରଦାନ କରିଥିଲେ । ଏହି ଯୋଜନା ଦ୍ୱାରା ଗୁରୁଦ୍ୱାର ସମେତ ବିଭିନ୍ନ ଦାତବ୍ୟ ଧର୍ମାନୁଷ୍ଠାନମାନଙ୍କ ଦ୍ୱାରା ମାଗଣାରେ ପ୍ରଦାନ କରାଯାଉଥିବା ଲଙ୍ଗର ଓ ପ୍ରସାଦ ଉପରେ କେନ୍ଦ୍ରର ସିଜିଏସଟି ଏବଂ ଆଇଜିଏସଟି ଭାଗକୁ ଭରଣା କରାଯିବ ।
ଆଖୁଚାଷୀଙ୍କ ଉପରେ ବୋଝ ହ୍ରାସ କରିବା ନେଇ କେନ୍ଦ୍ର ସରକାର କ୍ରମାଗତ ଭାବେ ଯେଉଁ ପଦକ୍ଷେପ ଗ୍ରହଣ କରିଛନ୍ତି ସେଥିପାଇଁ ଏହି ପ୍ରତିନିଧି ଦଳ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ପ୍ରଦାନ କରିଥିଲେ ।
